سلطنة قمر

المهرة

خيالي واعرفه مُسِرف/ ومُترف لمّا يتمنى
يشبّك أشيا في أشيا عشان يشكّل الصورة
وأحيا وما تخيلته يسلـــــيني وأتغنى
مدام أشيائي فالواقع كثر ماعشت محظورة
خيالي واجرح الواقع بلعـــناتي وأتهنى
إذا فضفضت لأوراقي وذاتي أعلن حظورة
أحب من البحر عمقه هدوءه لما يتـــأنا
جنونه لمّا يتلاطم عشان يراضي غروره
أحب من السهر لطفه وظلمه لمّا يتجنى
وأحب من الفجر وعده إذا بشرني بطيوره
وأخاف من البياض اللي كثر ماعفّ يتعنى
من يدين السواد الحالفة في هتك دستوره
واضيع بكل مايجمح تحت عيني ويتثنى
يفجر كل عرق ٍ بي وأثور وأعشقه ثوره
جموح المهرة الحمراء تثنيها مع المغنى
حرارة دمها لمّا تحس بصــدرها فوره
خيالي كان يرسمها ولكن كيف تتسنى
مدام إن القفص ذهني وهي في حكم عصفوره
ولكن آمن اواقع وكان المشهد الأغنى
وعيني عيت تصدق وما تلاّم معــذوره
كأني صرت أنا الواقع وارفض إني أتبنى
خيال الواقع المسرف بمشهد هذي الصوره
خيالي كان يسجنها ولكن سجنها أضنى
حلاها ودورت واقع تغير فكره وطوره
وجت مترامية يمسك بعضها بعض من مثنى
كأن الله يعذبني بخيالي وغبة بحوره
بصمت وكلها يحكي وعنها والله ماعنّا
لو تغوص البحر أغطس وأجيب العرق وجذوره
إذا فستانها تنوي تشيله عنها يتمنى
يدينٍ فصلت غيره تشل أو تصحى مبتوره
وإذا دولابها جت له أنا وروحي تألمنا
اجل باقي

الشمس ماتسمع

ليت الليالي قد حكت للشمس عن حالي
الليل ذا أعمى بصر والشمس ماتسمع

يا كمّ على رجم الأ لم جريت مّوالـــي
والذيب في راس الجبل من آهتي يدمع

أتباشر بعمر ٍ يجي وأهرب من الخالي
كن الزمان اللي مضى في صيدتي يطمع

والشيب يخضب لمتي وآنا ايتــــــهيالي
إن المرايا ونورها خلاّ الشــــعر يلمع

كل ما أوكّلها على خلاقي الـــــــوالي
ياليتها تكبر وبس ..بالعـــكس تتجمع

كن الله يزيد الشقا..ويزيد ترحالي
وآقول ربي ( حبني ) وبصبري أتصومع

آمنت باللي كاتبٍ عمري وأحــــوالي
مصير حانات التعب في يوم تتشمع

في عقدي الثالث أمل واحلام في بالي
ماهي بـ فتنه يازمن ...حتى كذا تقمع

مليت من مر الشقا..واشتقت للحالي
بيني وبيني يازمن صار الأمر مزمع

ماجتني الدنيا رخا ..جتني بالاهوالي
واللي يبي من دينته لا بد يتمعمع

لو كانت دروب الفخر ممشاها طوّالي
ماكانت أجواء السماء لنسورها مطمع

إن مانحتّ بدنيتك اسمك على الــــعالي
بتعيش ميت وانت حي لاتشوف ولا تسمع